Нацыянальны цэнтр абароны персанальных даных па запрашэнні кампаніі «1С-Бітрыкс» прыняў удзел у канферэнцыі «Абудзі свой бізнес» у Магілёве.
Удзельнікі мерапрыемства – прадпрымальнікі, кіраўнікі арганізацый малога і сярэдняга бізнесу даведаліся аб базавых правілах бяспекі персанальных даных кліентаў, абавязковых мерах, якія павінны быць рэалізаваны ў кампаніях, абмеркавалі практычныя кейсы беларускіх аператараў, а таксама выкрывалі самыя папулярныя міфы аб працы з персанальнымі данымі.
Галоўны міф: «Закон аб абароне персанальных даных можна не выконваць»
Развянчанне: Закон абавязковы для ўсіх – ад самазанятых да буйных кампаній. Парушэнні цягнуць адказнасць, блакіроўку рэсурсаў, фінансавыя і рэпутацыйныя страты.
Міф: «Персанальныя даныя – гэта толькі даныя кліентаў»
Гэта таксама даныя супрацоўнікаў, суіскальнікаў на працаўладкаванне, партнёраў і нават анлайн-ідэнтыфікатары. Усё, што дазваляе ідэнтыфікаваць чалавека, – персанальныя даныя.
Міф: «Калі даныя ў адкрытым доступе – можна выкарыстоўваць»
Нельга без прававой падставы.
Міф: «Згода – заўсёды патрэбна»
Далёка не заўсёды. Ёсць іншыя законныя падставы.
Міф: «Апрацоўка – гэта толькі збор»
Гэта яшчэ захоўванне, перадача, распаўсюджванне, выдаленне і інш.
Міф: «Можна перадаваць даныя партнёрам без згоды чалавека»
Толькі пры наяўнасці законнай падставы.
Міф: «Дастаткова антывіруса для абароны»
Патрэбныя комплексныя меры бяспекі персанальных даных.
'